(Неми изливи на јони)

12.10.2018 09:16

НЕМИ ИЗЛИВИ НА ЈОНИ. Разрешување на енергијата во знак.
Противтежа. Магнетизмот танцува во отечените коски.
Протуберанции.
Видливи со слободни очи само тогаш
Кога телото е потиснато во мракот,
Кога е засенчено и немоќно
Целосно изложено, како што е телото на пациентот
Препуштено во рамнодушните раце на болничарите
Кои токму сега ја затвораат зад себе вратата на собата за рентген.
Го оставаат сам со себе и со апаратот,
Приклештен околу неговиот граден кош со гумено црево.
Зрачење. Можеби пресудно.
Протуберанции.
Сто и педесет милиони километри подалеку
Од Сончевата хромосфера,
Без вистинска причина се креваат купишта усвитен гас,
Исцртуваат чудни знаци врз работ на астралната празнина,
Се одлепуваат и со невидена брзина одлетуваат во вселената.
Светкање. Одвај забележливо.
Протуберaнции.
Протуберaнции.
Биди зборовна должина на светлосни бранови
што патуваат низ сеќавањето и плотта,
за да можеш запишувајќи ги раните
да ги зацелиш имињата за осакатувањето на овој свет.

Превод: Лидија Димковска

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото