Заплетот

13.10.2018 13:08
Заплетот

За да биде целосен неговиот хорор, Цезар, кутнат врз стапалото на статуата од нетрпеливите бодежи на неговите другари, помеѓу лицата и сечивата, го открива лицето на Марко Брут, неговиот штитеник, можеби негов син, и веќе не се брани и извикува: Зар и ти, сине мој! Шекспир и Кевадо го прибираат патетичниот вик.

На судбината ѝ годат повторувањата, варијациите, симетриите; дванаесет века подоцна, на југот на провинцијата на Буенос Аирес, еден гаучо е малтретиран од други гаучоси и, паѓајќи, препознава свој посинок и му вели со кроток прекор и бавна изненада (овие зборови треба да се чујат, не да се прочитаат): А бе, еј! Го убиваат, а не знае дека умира за да се повтори една сцена.

Извор: Потекло на зборот - антологија на аргентински расказ, Слово љубве, Скопје, 2013

Превод: Фросина Стојковска

Слични содржини

Книжевност
Книжевност
Книжевност
Книжевност

ОкоБоли главаВицФото