1006 hPa
72 %
13 °C
Скопје - Чет, 25.04.2024 11:06
Кусоноги
безмилосни Индијанци
нè прогонуваат. И покрај советите
на трагачите по дијаманти
сме залутале во влажните џунгли
на Мато Гросо. Сè помалку нè има.
Нè фаќаат во заседи,
со мамки,
бесшумно нè ловат в самрак.
Добро е
што наоѓам некои познати дрвја.
Со премин
под нивните корења
(па јас тука во детството сум играл!)
се излегува
во лагамите
од куќата на дедо ми
во Дебар-маало.