1017 hPa
41 %
24 °C
Скопје - Пет, 29.03.2024 13:55
Умира краличката
во виолетовите ракавици,
во чорапите виолетови.
Снегот се врти
околу виолетовата светилка.
Снегот е сребрен.
Се слуша кога снегулка
допира снегулка,
кога обете слетуваат на чаршафот.
Од виолетова свила
е прекривката на креветот.
Со црн пораб.
На краличката ѝ трепери
виолетовата уста, треперат долгите
виолетови прсти.
А наоколу
веќе си дошепнуваат слугинките.
Се насмевнуваат една на друга.
Бојата на снегот постепено
преминува во виолетова.
Низ прозорецот убаво може да се види
сосема виолетовото небје.
Превод: П. В.