1009 hPa
87 %
10 °C
Скопје - Чет, 25.04.2024 21:00
Собранието со 95 гласови „за“ и без ниеден „против“, вчера го донесе Законот за амнестија за организираниот напад на Собранието на 27 април 2017 година. Кон групата пратенци и предлагачи се приклучија и пратеникот Илија Димовски од ВМРО-ДПМНЕ заедно со Панчо Минов од ГРОМ.
Лидерот на Алијансата за Албанците Зијадин Села и лидерот на ЛДП Горан Милески ја напуштија салата кога почна гласањето.
Пратеникот од независната пратеничка група на ВМРО-ДПМНЕ Зеќир Рамчиловиќ го образложи Законот за амнестија и рече дека „овие 2 години беа тешки, можеби најтеши во историјата на праламентаризмот и со овој Закон, наредните 2 години треба да ги релаксираме односите“.
Веднаш по неговото образложение пратениците го изгласаа Законот. За законот за амнестија покрај парламентарното мнозинство, гласаа и пратеници на ВМРО-ДПМНЕ.
Со Законот за амнестија нема да може да бидат амнестирани: организаторите и подготвувачите на нападот на Собранието за кои има основани сомневања, лицата кои извршиле физичко насилство, лицата под фантомки, лица кои носеле оружје и експлозивни материи и службени лица кои ги пречекориле овластувањата.
Барањата обвинетите ќе може да ги поднесат во рок од 5 дена по носењето на законот.
Во Законот не се споменува амнестија на нарачателите, за кои сè уште се води предистрага во обвинителството за организиран криминал.
Извор: time.mk