Андалузија низ објективот на фотографите Дејан Колевски и Кирил Пенушлиски

23.03.2019 13:30
Андалузија низ објективот на фотографите Дејан Колевски и Кирил Пенушлиски

Во понеделник (25 март) со почеток од 20 часот во Галеријата на МКЦ ќе се отвори изложбата на фотографии од Дејан Колевски и Кирил Пенушлиски насловена „Andalucia“.

Станува збор за четириесетина фотографии на двајцата македонски фотографи, направени во градовите Кордоба, Севиља, Гранада, Гарзамела, Кадиз и Ронда, каде што авторите имаа студиски престој во периодот октомври – ноември 2017 година.

Прикажувајќи ги луѓето, обичаите, природните убавини, културните споменици и архитектурата низ призмата на своите апарати, Колевски и Пенушлиски нудат уметничко толкување на идентитетот на овој регион на Шпанија.

Дејан Колевски e мајстор на фотографијата, кој има повеќе самостојни изложби, меѓу кои и изложба во Националната галерија на Македонија во Скопје. Во неговите фотографии централно место зазема човекот, прикажан во урбана средина. Во оваа серија тој прикажува најразлични сцени од секојдневното живеење.

Кирил Пенушлиски е фотограф, кој аматерски се занимава со фотографија од 1994 година. Пенушлиски верува дека помалку информации ѝ овозможуваат на фантазијата повеќе да работи, па затоа во неговите фотографии деталната и верната дескрипција е заменета со сугестија. „Andalusia“ е негова прва самостојна изложба.

 

Слични содржини

Фотографија / Балкан / Историја
Фотографија / Став / Уметност

ОкоБоли главаВицФото