1005 hPa
55 %
15 °C
Скопје - Сре, 24.04.2024 21:59
Април во Рим бил месец посветен на Венера, божицата на љубовта, сексот, убавината и плодноста. Први април им бил посветен на Венералиите (Veneralia), празник во чест на Venus Verticordia („Венера која ги преобратува срцата).
„Април“ е, инаку, од латинското Aprilis, името на вториот месец во стариот римски календар. Aprilis е можеби од Apru, етрурското име на грчката божица Афродита (грч. Ἀφροδίτη), или од *ap(e)rilis "следниот," т.е. вториот месец во календарот. Народната етимологија го врзува со глагол aperio "отворам".
Венералиите се чест мотив во сликарството. Најпозната е сликата „Празникот на Венера“ на Рубенс (1636/7), денес во Kunsthistorisches Museum во Виена.