Добредојдовте на Стариот Див Исток!

18.04.2019 15:18
Добредојдовте на Стариот Див Исток!

Нова урбана уметничка акција. Низ Скопје паркира кој каде стигне! Колони возила стојат паркирани на улици, булевари, тротоари, на најпрометните места во градот, а парковите и тревниците се претворени во паркинзи. На тротоарите се паркирани возила, а пешаците, родителите со детски колички и лицата со попреченост мора да одат среде улица со сериозни ризици по нивната безбедност.

Таква е сликата за Скопје и сообраќајната култура на граѓаните.

Одметнатите „шерифи“ од владеењето на правото се надмоќни над „пајаците“ и обичните граѓани. За нив „Не паркирај, бушам гуми!“ е само смешен графит!

Затоа, Единицата за брзи артивистички интервенции ја зеде правдата во свои раце и произведе ефектно помагало за непрописно паркираните автомобили – секое непрописно паркирано возило ќе биде казнето со најстрога казна - доживотна робија.

Ѓуле со синџир за тркалото на автомобилот ќе биде казната за непочитувањето на сообраќајните правила и уништувањето на животната средина за сите кои се паркираат каде што ќе им текне.

Дали ова ќе бидат доволно возачите да се сетат каде е вистинското место за нивните автомобили, и најважно, да помислат на другите граѓани?

Акцијата е дел од проектот на Единицата за брзи артивистички акции финансиски поддржан од Фондацијата Отворено општество – Македонија.

 

Слични содржини

Активизам / Јавни простори
Активизам / Јавни простори / Свет / Теорија
Активизам / Јавни простори / Екологија
Општество / Активизам / Јавни простори
Општество / Активизам / Јавни простори

ОкоБоли главаВицФото