Како се манипулира со купувачите на интернет

18.07.2019 00:35
Како се манипулира со купувачите на интернет

Кога потенцијалните купувачи ќе ја посетат онлајн продавницата ThredUp, на екранот се појавува порака во која пишува колку пари штедат други купувачи.

„Александра од Анахајм штотуку заштеди 222 долари нарачувајќи го овој производ од нас“, се наведува во една таква порака покрај слика на некој фустан. Ова е вообичаена такатика на сајтовите за купување, осмислена да профитира од желбата на луѓето да се вклопат во онлајн купувањето. Но, „Александра од Анахајм“ не постои. Алгоритaмот извлекува комбинации од програмираните списоци на имиња, локации и парчиња облека.

Овие пораки се пример на „мрачните модели“ на онлајн техниката за манипулирање со корисниците. Тие претставуваат дигитална верзија на старите тактики кои се користеле за да се намамат купувачите, како што е импулсивното купување на ситни предмети што се наредени пред касата.

Овие методи некогаш биле наменети за измама, но неретко спаѓаат во тактиките кои се на тенката граница помеѓу манипулацијата и убедувањето: помислете само на копчето обоено со силни бои кое ве охрабрува да го кликнете и да се согласите на некоја услуга, додека пак, линкот кој води до одбивањето на услугата е сосема скриен.

Интересот за средствата со помош на кои се постигнува поголемо влијание на интернет се зголеми во текот на изминатата година, бидејќи било откиено дека компаниите од Силициумската долина не управуваат со личните податоци претерано совесно. Еден елемент на таа полемика е согласноста: на што се согласуваат корисниците и го споделуваат на интерент и колку далеку можат да одат компаниите во учествувањето во процесот на донесување на одлуки кај купувачот.

Во истражување објавено во јуни годинава, истражувачите од Универзитетот Принстон се обиделе да ја измерат превалентноста на темните модели на интернет, со посебен фокус на сајтовите за продажба. Тие развиле софтвер кој скенирал повеќе од 10 000 сајтови за продажба и утврдил дека повеќе од 1200 од нив користеле темни модели.

Американските регулатори сè уште ги разгледуваат мерките коишто би се однесувале на технолошките компании, а една од нив е и ограничување на употребата на тие темни модели. Законодавството се соочува со голем предизвик, како што вели Вудроу Херцог, професор на Универзитетот во Бостон.

„Важно прашање е што точно ги разликува мрачните модели од старото добро рекламирање. Неверојатно тешко е да се утврди таа граница – што е дозволено убедување наспроти манипулација“, објаснува Херцог.

Бројот на интернет страниците за кои истражувачите утврдиле дека користеле мрачни модели не е реален приказ на севкупното присуство и употребата на овие тактики на интернет, вели Арунеш Матур, раководител и автор на истражувањето. Софтверот се занимавал со текстот кој можел да се пронајде на интернет продавниците, а истражувањето, исто така било посветено на моделите намененти да влијаат врз однесувањето на купувачите, но без осврт на споделувањето податоци и други активности.

Повеќе од 160 такви сајтови ја користеле тактиката наречена „confirmsharing” која подразбира дека корисниците со клик треба да ја потврдат реченицата „Не, благодарам! Повеќе сакам да ја платам целата сума од цената“, доколку сакаат да го избегнат регистрирањето на страницата или купувањето на некој производ.

Повеќе од дваесет сајтови користеле двосмислени и збунувачки пораки при поттикнувањето на купувачите да се пријават за да примаат мејлови од тој сајт или да купат нешто.

На страницата на спортската опрема „New Balance“, првиот дел од пораката укажува на тоа дека корисникот може да го обележи полето ако сака да прима пошта, но ако подобро погледнете се покажува дека тоа не е точно.

„Би сакале да ве известиме за понудите и новите производи, но ако не сакате да ги примате овие мејлови, ве молиме да го обележите ова поле“, се наведува во пораката.
Околу 30 интернет страници овозможиле едноставна пријава за нивната услуга, но исклучително комплицирана одјава.
Повеќето сајтови користат пораки кои укажуваат дека одредени производи се популарни, дека останале уште само неколку парчиња, или дека одреден артикал ќе биде достапен во ограничен рок.

Нема општа согласност дали во пораките за голема побарувачка на производи е содржан темниот модел, доколку тие се точни. Но, дури и оние кои се базираат на вистински активности и податоци играат на слабоста на купувачите, истакнува Арвинд Нарајанан, вториот автор на истражувањето.

„Не тврдиме дека регулаторите би требало да се занимаваат со сите категории кои ги наведовме во истражувањето. Но, секако треба да се обезбеди макар повеќе транспарентност во врска со нив“, вели тој.

Извор: The New York Times

 

ОкоБоли главаВицФото