Обична доцна вечер на московјанец кој не сака музика

23.07.2019 16:51

тој на дланката ја наоѓа
линијата на животот
таа му се допаѓа
како и самиот живот
ја притиска со прстите
и ја повлекува влево
потоа вдесно
потоа става врз нејзе
ситни предмети
киндер - изненадувања
смрзнати јагоди
со фломастер подвлекува гранки
сè е залудно
ништо не се менува
на крајот ја привлекува кон линијата на животот
линијата на љубовта
и тие се
заплеткуваат како жици на слушалки

Превод: П. В.

Андреј Сен-Сењков (1969), руски поет, прозаист и преведувач, роден во Таџикистан. Лекар по професија. Автор на повеќе поетски книги, на визуелна поезија и на лирска проза.

Според нескротливите комбинации на глетки и слики и неочекуваните поетски рефлексии тој е изненадувачки оригинална појава во современата руска поезија.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото