Полска ги укина даноците за младите за да го спречи одливот на мозоци

Полска ги укина даноците за младите работоспособни луѓе во обид да се запре заминувањето на младите од земјата. Според новите правила, ниту еден работник до својата 26-та година нема да плаќа данок на доход. Олеснувањето се однесува само на работниците, не и на претприемачи и работодаватели.

Законот стапи во сила на 1 август и може потенцијално да влијае на два милиони луѓе во земјата со 38 милиони население. Властите велат дека укинувањето на данокот ќе ги охрабри младите луѓе да се приклучат на пазарот на трудот, кој постојано бележи недостиг на луѓе.

Во Полска, нема точна статистика за тоа колку пари заработуваат младите до 26-годишна возраст. Просечната плата за сите работници е 3700 злоти (860 евра).

 Извор: aljazeera.com