1009 hPa
58 %
12 °C
Скопје - Саб, 20.04.2024 08:59
Еднаш една крава луда
направила триста чуда!
Прелетала сено, слама,
истрчала на пат сама,
се судрила со две коли,
подгонила деца голи,
изгазила цвеќа ретки,
повредила стрини, тетки,
искорнала две-три клупи,
искривила пет-шест шупи…
па морна по часа девет,
заспала на меѓа-кревет.
Сонувала бик што лета
и друг убав што се шета,
и трет вљубен што се смешка,
и четврти што ја чешка!
Чешкањето уште трае,
а кравата не знам кај е!