1006 hPa
62 %
13 °C
Скопје - Чет, 25.04.2024 00:57
Зимата раѓа тикови
и намуртени густи сенки.
Зиме е невозможно да се чујат
ѕвонливите воздушести чекори
на убавите сончеви девојки
а птиците се воздржуваат од озборување
и колваат бајати музички црви.
Гатачките се на годишен одмор,
оџачарите на боледување,
шивачките под стечај,
занаетчиите на стрелање.
Зимата раѓа заматени одрази
врз заледени огледала
а нашите заспани лица шепотат
во ритамот на досадата.