1005 hPa
81 %
7 °C
Скопје - Чет, 18.04.2024 04:59
На оваа слика е забележан еден од најневеројатните мигови во медицината. Имено, во 1922 година, на Универзитетот во Торонто, научници отишле во болничкото одделение со деца кои биле во кома и умирале од дијабетска кетоацидоза. Замислете соба полна со родители кои седат крај креветите и ја чекаат неизбежната смрт на своето дете. Научниците оделе од кревет до кревет и го вбризгувале во децатa новиот прочистен екстракт – инсулин.
Кога му вбризгале инсулин на последното дете, првото дете на кое му вбризгале се разбудило од кома. Едно по едно, сите деца се разбудиле од дијабетска кома. Собата на смртта и мракот станала место на радост и надеж, благодарение на докторите Фредерик Бантинг и Чарлс Бест, кои поради своето откритие на инсулинот следната година ја добиле Нобеловата награда во областа на физиологијата и медицината.
Пред Бантинг да почне да спасува животи со инсулин, тој бил доктор за време на Првата светска војна во канадската војска. Во битка кај Камбреј, и покрај повредите со кои се здобил, успеал да им помага на останатите мажи 16 часа, сѐ додека друг доктор не го запрел. Бил награден во 1919 година за херојство.
Извор: https://radioaktivnikomarac.com/