1007 hPa
77 %
13 °C
Скопје - Чет, 25.04.2024 17:59
Издавачки центар ТРИ најавува отворање на уште една книжарница во центарот на градот, овој пат во Трговскиот центар Зебра во Капиштец. Познати по одличниот избор на книги и големиот број акции, промоции, средби со љубителите на добрата книжевност и бенефиции за своите читатели, успешната приказна на ТРИ продолжува да освојува нови простори, а со тоа и да ја шири љубовта кон книгите и читањето.
Книжарницата ТРИ ќе се отвори во среда, на 9 октомври, во 19 часот со присуство на многу автори и членови на Клубот на читатели, a отворањето ќе биде одбележано и со попуст за првите купувачи.
„И новата книжарница на ТРИ во ТЦ Зебра ќе биде место каде што ќе може да се најде најдоброто од домашната и странската литература. Ќе биде отворена преку целата недела, а во неа ќе ве пречекаат секогаш расположените книжари кои ќе ви помогнат да ја изберете вистинската книга за секој повод“, велат од издавачкиот центар Три.