1004 hPa
42 %
18 °C
Скопје - Сре, 24.04.2024 18:59
Џон Балдесари, кој почина на 88 години во саботата (4 јануари), е еден од највлијателните современи уметници од втората половина на минатиот век со портфолио исполнето со значајни дела како „Што е слика“, изложено во МОМА во Њујорк.
Тој е еден од водечките американски и светски уметници, дел од движење познато како концептуализам. Тој е пионер на стилот кој става акцент на идеите за сликите, изработувајќи дела што ги преиспитаа и разнишаа традиционалните идеи за она што се сметаше за висока уметност. Тој се се сомневаше во стереотипите за авторството. Работејќи со фотографии, текст и разни материјали, тој поминал децении во истражување и размислување за тоа што е уметноста, што може и што треба да направи.
Во 2009 година беше награден со „Златен лав“ за животно дело на 53-то Венециско биенале (заедно со Јоко Оно).
Во образложението за наградата се вели дека тој го промени нашето размислување за уметноста и нејзините врски со стварноста во која живееме. Неговите дела направија револуција во уметничкиот јазик и ќе останат извор на инспирација на идните генерации.
Џон Балдесари откри нови поетски, концептуални и општествени можности за сите уметници во светот.
Извор: Vimeo