1014 hPa
76 %
11 °C
Скопје - Вто, 19.03.2024 08:56
Череп на дланка. Во него крви.
В коски лут ветар. В месо куп црви.
Мртовци в песок. Чкрипот на ребра.
Од солен Солун до кисел Дебар.
На бели гранки суртуци висат
Од солен Солун до Дебар кисел.
И пијам. Пијам. Под синџир волен.
За Дебар кисел. За Солун солен.
И пијам. Пијан станувам дембел.
Лежам и чекам јатаган в чкембе.
Лежам и чекам. Чума ме зоба.
На дланки череп со отров зелен.
Пијам и ревам в ниедна доба –
јас Итар Пејо... бог... надбог... скелет.