Дали ме сфаќаш

И тој трубадурот на кметот му кажа:
Од тебе видовме толкава мака
И без да те посочам јасно со прстот
И без да те покажам точно со рака
Само да вриснам, тоа ќе стаса
Одма да изгубиш дваесет гласа

И кметот на тој трубадурот му враќа:
Мислите, јас од такви се плашам!?
Мислите, сега наполнив гаќа!?
Што и да правиш, исто се фаќа
Никогаш не сум јас тој што плаќа
И што и да сторам, не ми се враќа
Пак ќе ме канат сестри и браќа
Прв ред да седнам, збор-два да кажам
Збор-два да кажам колку ве сакам
И пак ќе ве убедам дека е така
Пак ќе ми јадете мене од рака
Јас бога не молам...
Дали ме сфаќаш!?