1004 hPa
81 %
7 °C
Скопје - Чет, 18.04.2024 03:59
Ортега и Гасет, интригантниот шпански пророк на европската идеја во првата половина на 20 век, велеше дека не може да се сети на ниедна цивилизација која згаснала заради сомневањето во себе. Напротив: цивилизациите најчесто умирале заради скаменетоста во својата традиционална вера, како последица на артериосклероза на своите убедувања. Гасет за свој и европски слоган го избира: Mobilis in mobile! И го цитира Гете: „Со сите нас владее променливото битие кое во нас и со нас се менува“.
Сервантес, во веќе поодминати години, беше рекол нешто слично: дека патот е подобар од крчмата.
***
Жилиен Бенда (познат по своите полемики против „предавството на интелектуалците“), своите согледби од раните триесетти години ги прошири со повикот Европјаните да почнат да ја развиваат одбојноста кон страста спрема себеси. Без новиот рационален човек нема да има интегрирана Европа. Наместо еднозначниот идентитет на нацијата или културата на народите кои ја сочинуваат Европа сè попотребен ќе им биде „рефлексивниот идентитет“, втемелен во рационалноста.
Избор и превод: Никола Гелевски
Гиф: Zak Dogerti
Кон ЕУ река (31)
Рубриката „ЕУ река“ е финансирана од Фондацијата Отворено општество - Македонија.