Монструозни објекти

Можете ли да си ја замислите иднината во која просторите кои ги населуваме се целосно изградени со помош на џиновски 3-Д печатачи или со помош на роботи на кои им се зададени прецизни упатства? Денес речиси е невозможно да се сретнат грешки предизвикани од компјутерите, посебно кога во проектирањето помагаат напредни системи како 3-Д печатење, CAAD системи и ласерско сечење, па дојдовме до степенот кога сите евентуални компјутерски пропусти ги гледаме со чудење.

Но што би се случило кога ваквото проектирање би тргнало во погрешен правец, кога компјутерите погрешно би ги сфатиле своите упатства и врз основа на грешките би произвеле куќи од префабрикуван елементи? Резултат е архитектура која е повеќе од надреална!

За среќа, засега сè уште се работи за принтови на уметникот Мет Фродсам кои оригинално се појавија во швајцарскиот месечник за архитектура Hochparterre. Иако биле замислени според стандардниот облик на куќата, со намера да бидат масовно прилагодени, во процесот на проектирање овие куќи биле изведени со помош на мноштво погрешни чекори. На пример, погрешно биле поставени влошките за печатење, бетонот не е измерен според правилните прописи или печатачот погрешно ја прочитал зададената низа податоци...

Донекаде е иронично како некои од куќите делуваат прилично експресивно и високо дизајнирано докажувајќи, всушност, колку силно влијае фабрикацијата на производството. Иако станува збор за стока со фабричка грешка, тешко дека во иднината, со оглед на цената, ќе имаме избор при купувањето недвижнини. Па така, Zeitguised предвидува дека ваквите куќи би можеле да се најдат во сопственост на сиромашните пензионери кои во младоста биле сквотери.

Извор: zeitguised.wordpress.com