Корона

21.03.2020 16:11

Есента од рака ми го зоба својот лист: пријатели сме.
Од оревот го требиме времето и го учиме да оди:
во лушпата времето се враќа.

Во огледалото е недела,
во сништата се спие,
устата кажува вистина.

Окото ми се спушта до полот на љубената:
се гледаме,
себе си ја говориме темнината,
се љубиме меѓусебно како мак и помнење,
спиеме како вино во школки,
како море во крвав месечев зрак.

Прегрнати стоиме во прозорецот, нè гледаат од улицата:
време е, да се знае!
Време е, каменот да се приклони кон цветањето,
немирот да бие со срцето.
Време е, да биде време.

Време е.

Превод: П. В.

Оригиналната песна

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото