1007 hPa
77 %
13 °C
Скопје - Чет, 25.04.2024 17:59
Сите наши води
Брзаат накај тебе,
Црно море.
Росата утринска
И вечерните луњи
И сите извори
Жуборат во тебе,
Татарско море.
Сите снегови и лавини
И сите поплави
Брзаат во тебе,
Турско море.
И со нив се одронува
Нашата добра земја
И со светата пепел наедно
Паѓа на твоето дно,
Византиско море.
А со нашата земја
Во тебе се таложат
Телата наши,
Бездушно море.
Во твоите сме веќе агли
И во твоите изестливи риби,
Дел од твојата длабина сме веќе,
Црно море.
Препев: Гане Тодоровски
Едвард Коцбек (1904-1981) — словенечки писател, партизан, теолог...