Онлајн платформата „Cinesquare“ со бесплатна филмска колекција

Дистрибутерската куќа „Катавеј“ од Скопје се приклучи во кампањата #СедиДома, овозможувајќи колекција од 200+ бесплатни филмови онлајн преку сопствената домашна онлајн видеотека Cinesquare.

„Во време кога вратите на кината остануваат затворени во догледен период и препораките сите да останат во своите домови во обид да се спротивставиме на ширењето на коронавирусот, , до крајот на месецот преку платформата Cinesquare нудиме бесплатни играни долгометражни филмови, документарци и кратки филмови за сите корисници во 13 територии“, појаснуваат од „Катавеј“

Само регистрација на cinesquare.net или на Андроид апликацијата достапна на Google Play е доволно да се пристапи кон бесплатните содржини во оваа понуда.

Уште од официјалниот старт во 2017 година, платформата „Cinesquare“ се обидува да ѝ понуди на локалната публика разновидни филмови, фокусирајќи се особено на домашните, регионалните и европските продукции.

Колекцијата вклучува играни долгометражни филмови, документарци и кратки филмови кои се достапни бесплатно во земјава, како и во Романија, Бугарија, Хрватска, Србија, Босна и Херцеговина, Словенија, Црна Гора, Косово, Албанија, Грција, Кипар и Турција.

Не е заборавена ниту најмладата публика за која се достапни филмови со превод, како и синхронизирани филмови меѓу кои и на македонски јазик.

Повеќе за колекцијата може да се дознае овде.

Cinesquare е платформа е онлајн видеотека за изнајмување на филмови базирана врз системот на видео на барање (Video on demand) по принципот на HBO GO, Нетфликс, Амазон и др. Платформата „Cinesquare“ е активна во 13 земји од регионот и е фокусирана претежно на европскиот независен филм.

Платформата е иницијатива на дистрибутерската куќа „Катавеј“ и е поддржана од Еуримаж, Агенцијата за филм на Македонија и потпрограмата МЕДИА на „Креативна Европа“.