Мај

01.05.2020 11:12
Мај

Мaj го добил името веројатно по Маја (лат. Maia) - староиталската божица на природата, плодната земја и билките. Маја му била ќерка на богот на природата Фаун и жена на Вулкан, богот на огнот. Подоцна Римјаните својата Маја ја поистоветиле со грчката Маја (грч. Μαῖα) – ќерката на титанот Атлант и на океанидата Плејона. Оваа Маја е најстарата, најубавата и најсрамежливата од седумте Плејади. Најпозната е како мајка на Хермес (кај Римјаните Меркур), богот на трговијата, гласникот на боговите и најмладиот од дванаесетте олимписки богови.

Секоја година на мајските Календи (1. мај), свештеникот на Вулкан ѝ принесувал на Маја бремена свиња како жртва. На мајските Иди, пак (15. мај), трговците доаѓале пред храмот на Меркур и им принесувале жртви на Маја и на Меркур.

Римскиот поет Овидиј пишува дека мај го добил името од maiores (‘предци’, букв. ‘поголеми’, ‘постари’). Ова име го добил зашто Ромул овој месец им го посветил на предците, исто како што следниот месец, месецот јуни, им го посветил на младите (лат. iuvenes, компаратив iuniores).

Слика: Бартоломеус Спрангер, „Вулкан и Маја“(1585), Kunsthistorisches Museum Wien

 

Слични содржини

Книжевност / Историја
Историја
Историја
Историја

ОкоБоли главаВицФото