1013 hPa
87 %
11 °C
Скопје - Вто, 19.03.2024 07:59
Се сеќавам дека еднаш нас двете нè викнаа [кај еден] ТВ-продуцент облечен во пругаст костум за да види дали имаме нешто интересно што би можел да го искористи за во емисија, а Бетси почна да раскажува за машката и женската пченка во Канзас. Толку многу се возбуди зборувајќи за таа пуста пченка што дури и на продуцентот му навреа солзи на очи, само што не можеше да употреби ништо од тоа, рече, за жал.
– Силвија Плат, „Стакленото ѕвоно“
Машката и женската пченка во Канзас
не се како машкиот и женскиот ориз од Кочани
машките и женските беровски компири
машките и женските ајвари, пинџури, лутеници
Mашките и женските 13-ноемвриски награди
машките и женските Браќа Миладиновци
машките и женските осмомартовски честитки
машките и женските земјотреси, поплави, бегалци
„Што сакаш за доручек?“, ме прашува мајка ми
(иако одамна не ме прашала, оти веќе не постои)
Корнфлекс, читам во продавница, и ми текнува
дека и јас бев дете, вљубена во светов, малечка
и не знаев дека имало разлика —chia seed, чија си—
дали си оттаму или оттука. Не знаев. Имало разлика.