Пура од морковче

07.09.2020 12:17

Се разбудило прасето мало,
сонце му запекло сало,
опавче му израсналo ко на слон,
и рогови ко на муфлон,
му израснале 10 уши магарешки,
со еден збор – смешки!
Смешки за сите, но не и за него,
зашто личело на прасе-лего.
Во подрум се скрило,
плачело прасето мило,
цивкало ко фудбалер ранет,
најтажно било тоа на свет.
Но, еден ден му тропнало на врата
животно чудно облечено во палто:
капучин со крилја ко на лилјак,
со крзно ко монголски јак,
со мустаќи силни ко средновековен цар,
кое му донело скапоцен дар
- вилинско коњче со лик на мачка,
намуртено и спремно за скачка,
со уши од кактус и нозе од лама,
а на главата – расцутена палма.
Прасето рекло: „Ура!“
и запалило пура.
Пура?! Пура од морковче,
ко шумски Гевара Че,
си наточило пиво од помија,
си искрцкало прасечка шија,
рекло: „Па што ако личам на играчка,
нема поради тоа да паднам в плачка!“,
го гушнало пријателчето ново
и заедно се качиле на кровот
на зајдисонце да уживаат мирно
под небото облачесто и ширно.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
Пандалф Вулкански
нема
Секој ден песна

ОкоБоли главаВицФото