Во ресторан, пред нос

09.09.2020 07:37

Мирна вечер во ресторан: го бев нарачал

Омилениот лосос во сос од лотос и магданос.

Накусо: накосо од мојата маса еден господин чепкаше нос

Како да врши откос: рудни наноси вадеше од својот нос!

Во директен пренос гледав: невиден принос, при нос!

Како носот на господинот да беше силос!

Во еден момент од носот се извади и кокос!

Се осетив, се разбира, предизвикан, повлечен за нос!

Си реков: каков е тоа, ви се молам, однос! Така, од нос!?

Та во миг на занос (или пркос) го фатив господинот за нос!

Убеден дека така добивам тактичка предност,

Му реков: „Доста беа носните заноси & наноси!“

Мирно одговори: „Се осеќам понижен, небаре гол и бос,

Господине, оти јавно ме ставивте во неблагопријатен сос.

Можеби за вас ова е штос (што ме повлековте за нос),

Но јас барам за навредата компензациски износ.“

Смирено одговорив: „Господине, работава не е штос,

А нашиот сооднос интензивно почнува да влегува во хаос.“

„Ме убедивте, господине; во знак на стабилизираниот однос

Би сакале ли да го поделиме, за десерт, кокосов од Барбадос,

Штотуку изваден од нос?“

 

Слични содржини

Пандалф Вулкански
нема
Секој ден песна
Пандалф Вулкански
Пандалф Вулкански
Пандалф Вулкански
нема
Секој ден песна
Пандалф Вулкански
Пандалф Вулкански

ОкоБоли главаВицФото