Храбрата зебра и добрата кобра

Негде во Алхамбра се сретнале нежна сребрена зебра и умна умбра кобра.

- Ти си стварно умбра или повеќе влечеш на кобалт? - прашала зебрата.

- Кобалт ултрамарин - рекла кобрата. - А тебе, зебро, ти се гледа ребро.

- Таква ми е сребрената ѕвезда, несреќна - одговорила зебрата.

- А имаш и набабрена вена.

- Ама немам на око мрена. И не сум умрена. Нит обесхрабрена.

- Те подбрал некој зебу? - прашала кобрата.

- Ме подбра еден абракадабар - одговорила зебрата. 

- Типично за Алхамбра - рекла умбра кобрата. - Со опасните заби? Дабарот-жабар?

- Мажот на госпоѓата Абракадабра. Дабарот-жаба што дише на жабри.

- Знам за кобра што собрала таков дабар.

- Кобрата на која сè ѝ се собра?

- Аха - рекла кобрата.

- А јас знам за кобра што си се прибра. Разбра?

- А ти избра, зебро? Не ти треба мојата помош? - прашала кобрата.

- Така вели мојата алгебра - рекла сребрената зебра.

- Ти си храбра зебра.

- А ти со добра кобра.