Верно се служи со татковината (афоризми)

Верно се служи со татковината.

Тиранинот инсистира судбината да му се чита од - тупаница.

Дури откако му истече мандатот видовме дека сме до гуша во вода.

Смртта на тиранинот е незгодна. Мора да се чека тој лично да ја потврди.

Силата силува додека правдата милува.

Во модата и политиката без пеглање нема цврста линија.

Шалтерот е само навидум граница на бирократската моќ.

Бирократијата му дава печат на времето.

Работното место му е идеално, нема врска со стварноста.

Паркираните кочат.

Далтонисти го фарбаат.

Човекот е како семафор, кога е зелен сите го врват.

Луѓето се како балони, затоа секој не е за прикачување орден.

Бесмртни! Нè умревте.

Еден ден сите ќе бидеме земјаци.

Во пеколот греењето е бесплатно.

Илустрации: Francesco Ciccolella