1008 hPa
81 %
4 °C
Скопје - Саб, 20.04.2024 05:59
Центарот за нови иницијативи во уметноста и културата „Локомотива“ денеска и утре (17 и 18 октомври) организира „Школа за кореографија“, со концепт развиен во соработка со Зринка Ужбинец, драматург од Хрватска и кореографот Александар Георгиев од Северна Македонија
Школата се реализира во партнерство со Интерарт културен центар и универзитетот „Гоце Делчев“, а ќе учестуваат студентите од катедрата за современ танц при универзитетот „Гоце Делчев“, ќе опфати предавања и часови по кореографија и танц што ќе се реализираат со физичко присуство и онлајн.
За време на школата ќе има ограничувања во врска со бројот на учесници и практична адаптираност на часовите, поради епидемиолошките случувања поврзани со пандемијата на коронавирусот.
„Школа за кореографија“ е дел од од програмата „Современ танц и кореографија“ на Локомотива што е поддржан од Министерство за култура, куриран е од Биљана Тануровска-Кулавковски, и продуциран од Виолета Качакова.
Концептот на Школата за кореографија работи преку индивидуалните и колективните процеси и нуди две навидум различни, а сепак меѓусебно поврзани концептни линии: Автономија на танцот и проширена кореографија.
Во рамки на Школата за кореографија ќе се дискутира и дискурсот за танцот и кореографијата, што е од големо значење да се разбере меѓусебната врска помеѓу нив, во текот на последните десет години.