Јужно од Јукатан (или Кочани)

06.08.2021 14:35

Никој не умее да зборува на пламени јазици.


Додека љубовта умира
во селските Аргулички плевни
вие создавате збунет змеј
и нов Прометеј,
одново станувате древни,
го притискате светот
за да стане рамен


и се обидувате да ја згаснете водата
со пламен.


Дишењето
ќе ме убие.
Ќе ме согори како кислород
или како океан над гасовод
или човечки род
но, помеѓу овој под
и свод
мојот здив
е див,
јас сум жив,
ве гледам со огнено око
и иако сум само семе и плот,
иако сум само малку пепел и прав


не ми е страв.

 

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото