Урбана акција: Колку време ќе треба да се стопат глечерите?

11.08.2021 11:44
Урбана акција: Колку време ќе треба да се стопат глечерите?

Купови мраз со натписи за подигнување на свеста за битката против глобалното затоплување се појавија денеска на неколку локации во Скопје.

Станува збор за урбана акција „Ако на овој мраз му требаат 6 часа да се истопи, колку време ќе им треба на глечерите да се стопат?“ посветена на битките со глобалното затоплување и климатските промени.

Идејата е на едноставен начин на граѓаните да им се покаже колку брзо се топи мразот на високите температури и да се потсетат дека истото се случува и со поларните глечери за кои се проценува дека доколку не се превземат драстични мерки, целосно ќе се стопат до крајот на овој век, а нивото на морето ќе се крене за 2 м. Со овие климатски промени милиони луѓе ќе бидат принудени да ги напуштат своите домови, а милиони хектари обработливо земјиште повеќе нема да може да се обработува.

„Kлиматските промени се реалност и сè почесто ги чуствуваме на сопствената кожа, веќе не е прашање дали ќе се случат туку какво ќе биде нивното влијание и во колкава мера ќе ја погодат планетата Земја и каква ќе биде состојбата во Македонија. Оваа жешка година иако не директно, сепак индиректно заради екстремно малата количина врнежи и екстремните температури од над 45 степени во многу земји, особено во Јужна Европа и Северна Америка се случуваат најжестоките и најголемите шумски пожари во поновата историја, додека истовремено делови од Западна Европа ова лето со соочија со поплави и количини на врнежи од над 200 литри на метар квадратен за еден ден, незабележени во прецизните метеоролошки извештаи кои со векови наназад се водат во Западна Европа.

Со оваа акција сакаме уште еднаш (како и со предходната акција наречена Климатски баланс) да ги потсетиме граѓаните, властите и да ја подигнеме јавната свест во Македонија за што е можно поодржливо користење на природните ресурси во прв ред шумите и водата кои за жал се сериозно загрозени (илегална и прекумерна сеча, подметнати пожари, мали проточни хидроцентрали кои го уништуваат биодиверзитетот)“, порачуваат активистите.

Акцијата е спроведена од страна на Центарот за современи уметности - Скопје и финансиски поддржана од Фондацијата отворено општество Македонија.


Фотографии: Центар за современи уметности - Скопје

 

Слични содржини

Екологија

ОкоБоли главаВицФото