Откуп

За откупот да го плати, човек
ќе треба да ги копачи, копа,
и двете ниви чијшто е стопан,
со сечилото на умот, довек.

За тие ниви род да му носат,
класје или пак ружи да дадат,
треба со солзи да се вадат
што од челото сиво му росат.

Прва е Уметност; Љубов втора.
‒ За пресудата блага да биде
на судењето страшно што иде
кога ќе самне последна зора,

ќе треба тој амбар, градба свидна,
со жетви да го покаже свои
чиишто форми, треба, и бои
на Ангели драги да им бидат.

Превод: Влада Урошевиќ