1004 hPa
81 %
7 °C
Скопје - Чет, 18.04.2024 03:59
Купувачот: Добар ден.
Продавачот: Добар ден, повелете.
Купувачот: Ве молам, пола кило април.
Продавачот: Жал ми е, април веќе немаме, од пролетоска.
Купувачот: А кога ќе има?
Продавачот: Па наминете така, догодина, ќе добиеме цели триесет дена април.
Купувачот: А така. Е па кажете тогаш што имате?
Продавачот: Имаме уште малце септември; имаме октомври и уште ноември и декември.
Купувачот: Хммм. Добро, дајте ми тогаш пола кило октомври. Но ако може од средината, ве молам, да биде посвежо.
Продавачот: Може, може, како не, еве, повелете.
Купувачот: Колку чини тоа?
Продавачот: Три и пол саботи.
Купувачот: Повелете.
Продавачот: Ви благодарам; догледање.
Купувачот: Догледање.
Продавачот: Чекајте, за момент, ве молам. Го заборавивте кусурот. Ми дадовте четири саботи, треба да ви вратам половина сабота.
Купувачот: Добро, дајте ми тогаш во ситно: по два часа вторник и среда и едно неделно утро. Таман ми треба ситниш за телефон.
На сликите е Белиот зајак од „Алиса во земјата на чудата“, од филмот на Дизни
Избор и превод: П. В.