Молитва на паганинот

15.11.2021 12:31

Не давај твоите пламни да згаснат,
згреј ми го срцето, нему му студи,
мако за душите, о желбо страсна!
Diva! Supplicem exaudi!

Огну што в нашето подземје гориш,
Божице што низ воздухот се вееш,
спаси ја душата што мрак ја мори,
во твоја чест таа песна ти пее.

Желбо страсна, биди кралица моја!
Земи го видот на сирена, која
е сета од сомот и од плот жешка

или приспивната напивка тешка
влеј ми ја во виното ум што мати,
желбо, ти облику што не си фатлив! 

 

Превод: Влада Урошевиќ

 

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото