Непознато

11.01.2022 17:25

Мртов лежи телефонот
во мртов агол
и немее како гладен пајак
в зори
Исклучете го мртвиот телефон
во мртвиот агол
да не протече низ неговите зени
надвор
и да не прозбори

Зашто папочната врска
некаде далеку
му се губи
и со гласови на неизвесноста
и слутења
се храни
Ги знам тие гласови
Се јавуваат непоканети
и се закануваат
а нема
а нема што да ме брани

Кога металот на зборовите
на непознатото
ќе ми се спушти
на дното
од утробата
и тежи
додека телефонот
немее како гладен пајак
и во мртвиот агол
безживотно лежи

Исклучете ги сите телефонски централи во светот
и строшете ги сите телефонски апарати
во прав
да се заштитиме
од гласот на Непознатото
што се заканува
со неизвесност
и страв

 

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото