Гнило е судството. Зашто е гнила државата.

05.04.2022 12:44

Нова епизода од кафкијанскиот судски процес против нас.
Откако судскиот совет, очигледно по политичка наредба, парампарче направи од сите правни процедури што му застанаа на патот, брзајќи да ни пресуди по секоја цена и во страв да не им застари процесот, сега се однесува како да го има целото време на светот и уште не ни ја врачува пресудата. А без врачена пресуда, не можеме да се жалиме на Врховен суд. Процесот застарува на 12 април, сега е 5 април. Кога ќе поднесеме жалба!?

И така. Откако ни го негираа правото да се браниме, сега ни го негираат и правото да се жалиме. Па испаѓа дека целиот овој циркуз бил процесот да застари со осудителна, а не со ослободителна пресуда. А ние, на тој начин да го изгубиме правото да се жалиме во Стразбур.

Гнило е судството. Зашто е гнила државата. Владеењето на правото е само идеолошка пропаганда на либералите за лажење на малоумните. Оваа држава и општество не ги спасува ништо освен коренита трансформација!

Здравко Савески, Фејсбук, 05.04.22.

 

ОкоБоли главаВицФото