Лилјаци

19.05.2022 18:01

Лилјаците се со боја на ноќта;
само движењето ги разликува од неа.
Наопаку го мирисаат светот кога спијат,

а кога полетуваат, божем ноќна вода
да истекува по свој нишан, самата од себе –
и да се разлева со моќен, ноќен жубор.

Цивкаат, чиниш чеканчиња на калајџии
ѕингараат по црната небесна тепсија. Слепи –
со песната сал го гледаат светот кој, ене го,

кружи стежнат од карпести согласки
околу вечниот оган што не ги допира.
Ништо не им го сопира летот под месечината:

првкаат, кршкаат ваму-таму и мислиш чинки се
што лесно се провираат низ ушето од тенка игла
за во ѓердан да ги нанижат часовите на ноќта,
божем црни бисери невидливи за окото на денот.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото