Црвена капа, зелена капа, Стефан

Во мојот блок стои:
црвена капа,
сина капа,
Стефан.

Знам црвено што е
и знам сино што е,
знам кој и чиј е Стефан,
за капата - не.

Твоја ли е
црвената капа,
сината капа,
Стефан?

Не, вели Стефан,
зелената е моја.

Твоја ли е
црвената капа,
сината капа,
небо?

Не, негова е
сивата капа,
облаците велат.

Твоја ли е
црвената капа,
сината капа,
куќо?

Не, моја е
белата капа,
куќата вели.

Насекаде ја барам,
никаде ја нема,
црвената,
сината капа.

Но стихови има,
и припев има
за мала песна со капа,
црвена песна,
сина песна
за Стефан
со зелена капа.