Излези надвор и паси!

04.07.2022 08:15

Еден бабун од Бабуна,
кренал планинска буна:
„Сакаме жолти планински банани,
да ги јадеме в кревет, в пижами!
Не можеме ние секој Дарвинов ден
да ловиме жолт овошен плен!“
Кога го слушнала ова планинската коза,
посакала продавница за еклери и боза,
а еден намуртен елен,
посакал тревник зелен,
што самиот себеси се коси
за да трчка со копита боси.
„Што ви е на сите?“
– ги прашал еднорогот Мите.
„Ние не сме луѓе, туку животни,
готвиме на гејзири, не на плотни!
Не ни требаат нам шведски маси…
Гладен си? – излези надвор и паси.
Цивилизациите правила носат
кои со нашата слобода се косат!“

„Во право е Мите“
– си помислиле сите
и продолжиле мирно
да уживаат в дните.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото