1018 hPa
43 %
21 °C
Скопје - Пет, 29.03.2024 11:51
Дваеспрви век
а пред нас стап и морков
мрак, глад и оков
***
Во срцата студ
црнила, разврат и блуд
свет брутален, луд
***
Во џебот суша
во коленото вода
црв душа глода
***
Во свет без Бога
со тегоба до гроба
животариме
***
Од тие предци
самуилови слепци
судбоносен ген
***
Со првиот мрак
железарскиот оџак
низ град шири рак
***
Во погоните
едно копито гази
куп вредни мравки
***
Во ЗOO паркот
орангутани стари
хранат бабун млад
***
Гулаби јато
брутално опљачкани
од тој гавран зол
***
На задушница
гладните бутелски пци
се нагостија
***
Секој ден е ист
никако да сменам лист
станав мазохист
***
Од утро до мрак
зацртана една цел
да се скрпи ден
***
Струја и парно
вода, кабловска, данок
бој за опстанок
***
Секој ден сум шворц
за сметки сè сум спичкал
на крај пак сум борч
***
Купив кило леб
го измерив на вага
едвај пол кило
***
***
Имавме копнеж
a страдавме од сомнеж
пак ебавме еж
***
Во овој клет свет
преполн со смет и срања
ксмет се бара
***
Душа во пранги
трага по светлина во
вукојебина
***
Не сум со сите
бегам од збирштината
кон тишината
***
Креативците
секогаш се жртви на
примитивците
Слики: Raysa Fontana
Стиховен Калибар (вистинско име Горан Јанкуловски) е хип-хоп артист, поет и афористичар од Скопје. Освен неколкуте албуми и видео записи, Стиховен калибар има објавено неколку книги: „Збирка мудрости и афоризми“, „Двоглед“, „Проклетници“, и збирките афоризми „Стихија“ и „Ни лук јал, ни ќебапи мирисал“.