1012 hPa
93 %
3 °C
Скопје - Пет, 19.04.2024 03:59
Во месарница
неколку мрсни свињи
купија јагне
***
Пари на купче
зад шалтерското дупче
банкарско шупче
***
На килим црвен
еминенција сива
со рилки гнасни
***
Усти горчина
нечисти ко кочина
во празнотија
***
На ова зло тло
палјачовци и овци
каде сте борци?
***
Собрани двесте
муви над тастатура
азбука серат
***
Потпален весник
во ќумбето со дрва
лагите горат
***
Надвор минус пет
никако да запали
Југо четрспет
***
Суров масакр
подлите ем пе тројки
цедиња ништат
***
На гладно срце
две ракии дрмнав и
се препородив
***
Липите скопски
право освежување
на градскиот смрад
***
Три жални врби
во река полна гомна
тажат за градот
***
Крстот на Водно
бдее над градот грешен
без спасител свој
***
Сиви фасади
безлични, монотони
молат за графит
***
Збрани на митинг
наезда хипокрити
вистини глодат
***
Под небо сино
во таа црна земја
знам сè е сиво
***
Црни денови
а ние пленови од
црни демони
***
Проклетник суров
во недостиг од љубов
потона во грев
***
Со јарем на врат
невоздигнат и впрегнат
пат во неповрат
***
Спасен од очај
од животот мочан, со
надгробна плоча
Слики: Raysa Fontana