1008 hPa
66 %
9 °C
Скопје - Саб, 20.04.2024 01:59
Станат сум во шес
цел ден гладен како пес
легнувам со бес
***
Коса ми паѓа
притисок ми расте
салдо ми е нула
***
Гнасен проклетник
со срце како лешник
сотре уметник
***
Угнетен поет
фрлен во беспаќето
остави трага
***
Им дадов љубов
ми вратија омраза
тие подли пци
***
Пијана вечер
стоев пред огледало
не се препознав
***
Душа во трепет
на маса ново шише
копнеам по мир
***
Во три наутро
ме разбуди од сонот
комшискиот секс
***
Мамурно утро
јува на гладен стомак
дневната труе
***
Го сонив рајот
будењето го колнев
што пак сум во ад
***
Задникот прчен
со тоа тесно крпче
скри мало дупче
***
Фарбана плава
купи црвена фарба
јајца да вапца
***
Во ноќниот бар
до вампирот стар на шанк
пилешки батак
***
Црвен каранфил
ѝ подари на Роза
цвеќарот Цветан
***
Јас по хокејот
таа по лизгањето
ќе биде борба
***
Полн е како брод
ѓубре што не дава плод
изрод на свој род
***
Дигнат ко паун
накочоперен сиот
однатре сирот
***
Со долг пат минат
за пари пак ќе гинат
газ им е зинат
***
Под нокти со кал
дели ум и морал, а
држава покрал
***
Рмбачам ко вол
до доцните часови
цел ден со ѓеврек
Слики: Marcel Dzama
Стиховен Калибар (вистинско име Горан Јанкуловски) е хип-хоп артист, поет и афористичар од Скопје. Освен неколкуте албуми и видео записи, Стиховен калибар има објавено неколку книги: „Збирка мудрости и афоризми“, „Двоглед“, „Проклетници“, и збирките афоризми „Стихија“ и „Ни лук јал, ни ќебапи мирисал“.