„Друга приказна“#7: прв ден (фотографии)

Измина првиот ден од регионалниот книжевен фестивал „Друга приказна“. Активностите се одвиваа во Сули ан во Скопје, а во сабота и недела фестивалот се сели во МКЦ. 

Фестивалската програма вчера се отвори со изложбата „Бантустаски мапи“ и предавањето „Дигитална поетика“ на Урош Крчадинац. 

Главниот дел од вечерта беше посветен на Дубравка Угрешиќ, добитничката на овогодишната награда „Друга приказна“. Беше проектиран видео-разговор помеѓу Угрешиќ и Румена Бужаровска, а потоа за нејзиното творештво зборуваа Гоце Смилевски, Ирена Јовановиќ, Мерима Омерагиќ и Никола Гелевски. 

Вечерта ја затвори музичарката Димитра Цилевска со мал концерт. 

Фотографиите се на Наташа Гелева.

Програмата за следните фестивалски денови погледнете ја овде.