SkopjeJazzInc. го промовира својот прв албум

08.09.2022 00:18
SkopjeJazzInc. го промовира својот прв албум

"Incorporated" е името на деби-албумот на џез ансамблот SkopjeJazzInc. чија промоција е закажана за 12 септември, кафе бар Филхармонија, со почеток од 20 часот.

SkopjeJazzInc. е џез состав во кој членуваат музичари која изминативе години оставија белег на домашната џез сцена, а своите кариери ги градат паралелно и на меѓународната џез сцена. Во SkopjeJazzInc. членуваат Трајче Велков на труба, Зоран Костадиновски на гитара, Горан Ѓешовски на бас и Виктор Филиповски на тапани. Како гости на албумот се јавуваат Кирил Кузманов на флејта и Гордан Спасовски на пијано.

"Incorporated" е резултат на повеќегодишното заедничко музицирање, период во кој бендот, како што ќе кажат неговите членови, „изгради свој единствен и препознатлив стил кој се темели на традицијата, но истовремено изразува и еден смел поглед кон иднината. На албумот се наоѓаат 7 авторски композиции, дела на Трајче Велков и Зоран Костадиновски.

Албумот е во издание на издавачката куќа ЗЏМ/ZJM Records 

Слични содржини

Култура / Уметност / Настан / Музика
Култура / Уметност / Музика
Општество / Активизам / Култура / Уметност

ОкоБоли главаВицФото