Прослава

Ја послав својата сиротност

на маса, небаре географска карта.

Го скицирав планот на патот

за својот дом низ ветрот.

Посетителите доаѓаат но не ме наоѓаат.

Оние што ги чекам не постојат.

А пиев жестоки пијалаци

за да им ги променам лицата

во ангели, во празни чаши.

Превод: П. В.

Алехандра Пизарник (шп. Alejandra Pizarnik; 1936—1972), родена како Флора Пизарник (шп. Flora Pizarnik), била истакната аргентинска поетеса и една од најзначајнијите латиноамерикански поетски личности во 20-иот век. Нејзиното поетско дело, кое за смета за неонадреализам, изразува дух на бунт кој се граничи со себеуништување.