Аман, што сакате повеќе од Водно!?

Таман ќе си помисли човек дека НАЈглупостите веќе ги видел и чул, кад оно, еве, нова КОСМИЧКА глупост: диви свињи СЕ ПОЈАВИЛЕ на Водно! И тоа имало НАЕЗДА (ау), ни мање ни више.

Аман, бе, Центар за управување со кризи, Водно е ПЛАНИНА, има своја флора и ФАУНА, па што да прават животните што живеат таму, ДА СЕ САМОУБИЈАТ зашто градежната мафија решила да ја качува градежната зона на Скопје ПОГОРЕ И ПОГОРЕ, накај КРСТОТ?!

Дај, ако не, па, да организираме конвој и да ги ОТСЕЛИМЕ? Или можеби сакате да го ЛЕГИТИМИЗИРАТЕ нивното убивање, па ова е начинот?!

Не се тие СИМНАТИ низ скопските населби, СКОПЈЕ им е дојдено на нив ДОМА!

Аман, што сакате повеќе од Водно! Дај цело да го иселиме од атарот на Град Скопје топтан сосе дивите свињи и лисиците (и тие исто сметаа, памтам) и на негово место да изградиме ДЕСЕТКАТНИЦИ?!

Југослава Дуковска, Фејсбук, 28.09.22.