Отворање на 60-ти Денови на македонска фотографија

30.09.2022 08:47
Отворање на 60-ти Денови на македонска фотографија

Во сабота, 1 октомври, во Културно информативниот центар – КИЦ во Скопје, со почеток од 19:30 часот ќе биде отворено 60-тото јубилејно издание на Денови на македонска фотографија.

Изложбата е во организација на Фото сојуз на Македонија и на неа ќе можат да се погледнат сите 101 примени и 28 наградени фотографии, одбрани од страна на стручното фотографско жири во состав Боро Рудиќ, Цветан Гавровски и Владимир Арсовски. Доделувањето на наградите ќе биде во склоп на отворањето на изложбата.

Првонаградената колекција и добитникот на плакетата "Благоја Дрнков" за 2022 година на ДМФ, Иван Михајловиќ - "Agro Lines"


Прва награда за поединечна фотографија на 60тите "Денови на македонска фотографија"
Зоран Андонов – "Тома"

Диплома за колекција на 60-тите „Денови на македонска фотографија“ - Виктор Герасимовски


Првонаградената фотографија во младинска категорија.
Каја Тасевска - „Hope“

Диплома за поединечна фотографија во младинска категорија.
Славиша Цветаноски - “Girl With The Pearl Earring“

Покрај другото, оваа година, за првпат ќе може да се погледне проекција на фотографии од македонски автори во период од 1940-1980 година. Меѓу застапените автори се великаните на македонска фотографија: Благоја Дрнков, Живко Јаневски, Александар Цветиновски, Лазо Величковски, Владимир Плавевски, Роберт Јаки и други.

Изложбата е дел од манифестацијата Бела Ноќ, и е поддржана од Министерство за култура како проект од национален интерес.

Слични содржини

Фотографија / Уметност / Настан / Филм
Фотографија / Култура / Уметност / Настан / Око
Фотографија / Книжевност / Уметност / Настан

ОкоБоли главаВицФото