Гадинки во градинки јаделе останки од наполитанки!

Гадинки во градинки
јаделе останки
од наполитанки!

***

Мали единки
во градинки
имале каснатинки
од гадинки!

***

Манекенки
Британки
танки ко сенки
јадат десетинки
па и стотинки
од деланки.

***

Муслиманки јадат маслинки,
Палестинки јадат палачинки,
Италијанки јадат наполитанки,
Шпанки јадат мешунки.

***

Финки се фини,
Филипинки се финки.
Индијанки јадат индијанки.

***

Други единки од племето Инки
заедно со младинки
Кинезинки и Аргентинки
седат на височинки
и пијат од инки.

***

Џанки
со плетенки
во мокасинки
по игранки
им свири фанки
на Иранки, Данки,
Велшанки, велешанки,
виничанки, виенчанки,
наполитанки
и на други
граѓанки
странки.

Слики: Zoe Hawk