Ластовички

14.11.2022 16:30

Во денови кога се прелистуваат летните спомени, воздухот сè уште шушка како свила под крилцата. Ретка хармонија на летањето со белина ги засипува небесните патеки: тие се час кружни, час параболични.

Одеднаш, надоаѓа студена воздушна струја и крилатите шамичиња за миг замрзнуваат во летот, се придвижуваат малку по инерција, а потоа паѓаат вертикално. Кога ќе ја допрат земјата, ѕвечкаат стаклено и се ронат на парчиња.

Излажани од љубовта и времето, птиците согоруваат метеорски и незаборавно, воскреснувајќи во хартиените играчки на децата.

 

Tоде Илиевски (Мраморец, Охридско, 1952 - 2022, Охрид) – поет, писател за деца и за млади, енигматичар и шаховски проблемист.
Автор е на поетските книги „Концерт за шумите“ (1992), „Зелен блен“ (2001), „Лов на Лебедовото езеро“ (2008) и „Пролетен ветер“ (хаику, 2012) и на четири книги поезија за деца.

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото